Saturday, October 14, 2006

Porque ya en ye prou, porque ya nos cal


Sunday, October 08, 2006

Por a nuestra dignidat


Un ziento de chobens aragoneses bon marchar per o zentro d'a ziudat de Zaragoza ta fer publico que i ha aragoneses que no se dixan engañuflar, que saben que a libertat de a nazión aragonesa no pasa por un chuego politico-mediatico que se retroalimenta a si mismo.

Garra partiu estatueziu ha debantau a boz contra l'estatuto. Nomás os chobens, os chobens independentistas aragoneses lo emos feito. Sin diners, sin intreses amagaus, nomás porque nos lo demandaba la nuestra conzenzia.

L'acto, umilde y senzillo, nos ha serbiu ta saber que agora pende de nusaltros escatizar a flama de la nuestra libertat. Dengún altro s'alcordará d'Aragón. Os chobens independentistas aragoneses continaremos siempre entadebán.


Friday, October 06, 2006

Güe ye o día

Güe dia 6 d'otubre toz y totas, que debantamos a boz ta dizir que no femos parte d'ixa falsa unanimidat estatutaria, somos combocaus á la conzentrazión que tiene como lema DENGUN ESTATUTO NOS FERA LIBRES.

As recodiadas de a presenzia d'ixa lei en o Parlamento de Madrit encara sonan. L'unico merito d'ixa lei ye que ye leal á España, á la suya España. Mica más.

A libertat d'Aragón, por la que ban luitar milenta de presonas, no ye que una simpla lei que nomás intresa á os que quieren seguir tenendo bien acarrapizada la boluntat y soberanía de o nuestro pueblo.

Se ya yes farto de que s'arrigan de nusaltros, si ya yes farta de que no nos respeten, si no yes mica d'alcuerdo de cómo son fendo-sen as cosas, biene-te-ne y debanta la tuya boz. Muitos altros ban luitar por esta nazión, agora nos cal á nusaltros.