Saturday, September 30, 2006

Escomenzipia la campaña




A campaña de propaganda d'a chornada que con o lema DENGUN ESTATUTO NOS FERA LIBRES ha combocau a ,rezién escodillada, Asambleya Independentista 6 d'otubre, ya ha prenzpiau. Antimás d'esparbutir por o rete a informazión ta zientos de contactos, ya son mesos cartels y pegallos por diferens partes y bicos d'a ziudat de Zaragoza.



Queremos agradixer o refirme de dezenas de presonas á esta campaña, que metendo cartels,pegallos u esparramicando a informazión son contribuyindo á empentar este acto que con tantas ganas somos parando dende l'Asambleya Independentista 6 d'otubre. Dende aquí grazias á toz y totas por esta aduya y por no dixar-se benzer por a esgana y creyer que en Aragón no tot ye perdiu encara.

Dende l'Asambleya Independentista 6 d'otubre queremos fer-tos alcordar que l'acto d'o dia 6 será lo que emos clamau un MANI-FIESTA-AIZION, en que mezclizau con un fundo ambién reibindicatibo y de farteza deban d'os zaguers acontezimientos relazionaus con a reforma de l'estatuto, no xublidaremos as calendatas festibas que nos i trobamos y será amenizau con mosica aragonesa. A la fin de l'acto feremos un pasabillas por a zona antiga de Zaragoza.

2 Comments:

At 1:19 AM, Blogger Eloina said...

[IMG]http://i92.photobucket.com/albums/l4/ringlet_minstrel/cuadro17.jpg[/IMG]

 
At 7:12 AM, Blogger David said...

Apoio e sorte desde a Galiza! ;)

 

Post a Comment

<< Home